«Көкшетау қаласының экономика және қаржы бөлімі» мемлекеттік мекемесі

2021 жылдың қаңтар-желтоқсан бойынша Көкшетау қаласының әлеуметтік –экономикалық дамуының нәтижелері туралы анықтама

           Өнеркәсiп. Өнеркәсіп секторында 2021 жылғы қаңтар-желтоқсан бойынша өнеркәсіп өнімі өндірісінің көлемі 232 745,4 млн.теңгені құрады, нақты көлем индексі 204,4%.

           Жалпы өнеркәсіп бойынша нәтижелерді қалыптастыруға өңдеу өнеркәсібі барынша әсер етеді.

           Өнеркәсіп өндірісі құрылымында ең көп үлес алатын өңдеу өнеркәсібінде (84,5%) 2021 жылдың қаңтар- желтоқсан айында 196 735,9 млн. теңге сомасына өнім өндірілді.

Ауыл шаруашылығы. 2021 жылғы қаңтар- желтоқсан айында ауыл шаруашылығының жалпы өнім көлемі 8 298,0 млн. теңгені құрады, нақты көлем индексі 100,2% құрады.

Кәсіпкерлікті дамыту. 2022 жылғы 1 қантар жағдайы бойынша жұмыс істеп тұрған шағын орта кәсіпкерлік субъектілерінің саны 17 081 бірлікті құрады, бұл өткен жылғы көрсеткіштен 6,2%-ға жоғары.

Көкшетау қаласының шағын бизнес саласындағы жұмыс істеп тұрған және жаңадан құрылған кәсіпорындарында жыл басынан бері 1173 жаңа жұмыс орны құрылды.

Барлық өткізу арналары бойынша бөлшек сауда тауар айналымының көлемі 207 694,2 млн.теңгені немесе өткен жылдың көрсеткішіне 100,2% құрады.

         Инвестициялық сала. 2021 жылдың қаңтар-желтоқсан айында негізгі капиталға салынған инвестициялар көлемі 63 086,8 млн. теңге деңгейінде қалыптасты, бұл ретте нақты көлем индексі 75,4%-ы құрады.

         Тұрғын үй құрылысы. 2021 жылғы қаңтар- желтоқсанда 226,893 мың шаршы метр тұрғын үй пайдалануға берілді, оның ішінде: ЖТҚ — 70,271 мың шаршы метр, мемлекеттік тұрғын үй- 27,150 мың шаршы метр, коммерциялық тұрғын үй — 129,472 мың шаршы метр.

         Мемлекеттік бюджет. 2022 жылғы 1 қаңтардағы жағдай бойынша барлық деңгейдегі бюджеттерге 63 245,0 млн.теңге немесе жоспар-болжамға 104,3% көлемінде салықтар мен алымдар түсті. 2021 жылғы деңгейге қарағанда түсімдер 7101,9 млн.теңгеге ұлғайды. Республикалық бюджетке аударымдар жоспары 103,8%-ға (23257,0 млн.теңге) орындалды. Жергілікті бюджетке 39 988,0 млн.теңге түсті, бұл кезең болжамының 104,6% құрайды.

Білім. Жалпы білім беру мекемелерінің желісі Көкшетауда 78 білім беру ұйымы бар, оның ішінде: 24 жалпы орта білім беру мектебі (күндізгі), 1 негізгі жалпы білім беру мектебі, 48 мектепке дейінгі ұйым (27 мемлекеттік балабақша, 4 шағын орталық (3 мемлекеттік және 1 жеке), 17 жеке меншік балабақша), "Мейірім" балаларды түзету дамыту орталығы және 5 балаларға қосымша білім беру мекемесі ("Әулет" мектептен тыс жұмыс орталығы, "Балалар музыка мектебі" МКҚК. "Балалар көркемөнер мектебі" МКҚК. "Көкшетау дарыны" еңбекке баулу оқу кәсіпорыны, дарынды балаларды дамыту орталығы.

         Жалпы білім беретін мектептердегі оқушылар саны 26 446 оқушыны құрайды. Мектепке дейінгі тәрбиемен 1 жастан 6 жасқа дейінгі 7 532 бала қамтылған, бұл 69,2%, 3 жастан 6 жасқа дейін – 100% немесе 6 300 қамтылған бала (01.10 жағдай бойынша жылына 1 рет есептеледі.).

         Білім беру процессі екі ауысымдық және үш ауысымдық режимде жүзеге асырылады. Қаланың барлық мектептері компьютерлендірілген, Интернет желісіне қол жеткізе алады.

         Мәдениет. Қаланың мәдениет ұйымдарының мемлекеттік желісі 15 мекемеден тұрады, оның ішінде: 12 кітапхана, 1 тілдерді оқыту орталығы, "Көкше" МҮ, "Достар"МҮ.

         Ағымдағы жылдың басынан бөлімнің жұмыс жоспарына сәйкес                     3 328 іс-шара өткізіліп, оған 1 683,6 мың адам қатысты.

         Театрлық қойылымдар, танымдық-ойын-сауық бағдарламалары, конкурстар өткізілді.

         Спорт. Дене шынықтырумен және спортпен шұғылдану үшін қалада 315 спорт нысаны жұмыс істейді, оның ішінде: 2 стадион ("Оқжетпес" және "Айсұлу"), 1 "Бурабай" Спорт сарайы, 8 спорт кешені, 5 жүзу бассейні, 18 ату тирі, 1 шаңғы базасы, 2 жеңіл атлетика манежі, 81 спорт залы, 139 жазық құрылыс, 17 хоккей корты, 7 теннис корты, 1 ипподром, 33 салынған спорт залы.

Есепті кезеңде жалпы 32 748 адамды қамтитын 91 спорттық-бұқаралық      іс-шара өткізілді.

           Еңбек нарығы және әлеуметтік қорғау. 2022 жылғы 1 қантар жағдайы бойынша жұмыспен қамту және әлеуметтік бағдарламалар бөлімінің тіркеу есебінде 421 жұмыссыз тұр, бұл 2020 жылғы көрсеткіштен 14,7% жоғары.

         Ағымдағы жылдың басынан халықты жұмыспен қамту мәселелері жөніндегі уәкілетті органның көмегімен 2 218 жұмыссыз жұмысқа орналастырылды, бұл өткен жылдың көрсеткішінен 34,6% төмен.

           2022 жылғы 1 қантар жағдайы бойынша деректер базасында қаланың кәсіпорындары мен мекемелері бойынша 417 бос жұмыс орны тіркелген. Еңбек нарығындағы шиеленіс коэффициенті 1,0 құрады.

           Экономиканың түрлі салаларында 2 675 жаңа жұмыс орны құрылды, бұл 2021 жылға жоспарланған көрсеткіштің 105,7%-ын құрайды.

           "Жастар тәжірибесі" бағдарламасы аясында 100 адам уақытша жұмысқа орналастырылды. Жастар практикасы негізінен мемлекеттік мекемелерде ұйымдастырылады.

             Есепті кезеңде әлеуметтік жұмыс орындары 55 жұмыссыз үшін немесе өткен жылдың көрсеткішінің өткен айы деңгейінде ұйымдастырылды.

             Қоғамдық жұмыстарға 288 адам жіберілді, бұл 2020 жылғы деңгейден 17,7% төмен.

             Қылмыс. 2021 жылдың қаңтар-желтоқсан айында Көкшетау қаласының аумағында сотқа дейінгі тергеудің бірыңғай тізілімінде барлығы 2 024 қылмыс тіркелді, оның ішінде 803 қылмыс ашылды. Сотқа – 409 іс жолданды.

 

 

«Көкшетау қаласының

экономика және қаржы бөлімі»

ММ басшысы                                                                                      Өтенов А.С.

Мақаланы құрған күні 09.02.2022 10:20
Мақаланы жаңартқан күні 09.02.2022 10:20
Қаралым саны: 1079
© 2024. «Көкшетау қаласының экономика және қаржы бөлімі» мемлекеттік мекемесі